- Hvørjar eru tær natúrligu broytingarnar, sum henda í kroppinum ígjøgnum árini upp til og í skiftisárunum?
- Hvussu kanst tú fyrireika teg til hesar broytingarnar.
- Hvussu kanst tú arbeiða við og ikki ímóti hesum broytingunum?
- Hvussu kunnu skiftisárini fevna um stórar menningarmøguleikar við lívsgleði og trivnaði?
Merkir tú nakað til m.a. møði, at tola minni av, at vera meira nærtakandi, skjótari kenslu av strongd, skiftandi sinnalag, PMS, temperaturbroytingar og hitabylgjur, broyttan svøvn, órógv í svøvninum, broytta húð, turrar slímhinnur, bløðrubruðna-líknandi eyðkenni, høvuðpínu, migrænu, lið- og vøddapínu, hjartabankan, vektøking, heilatoku og “fuffy” heilaaktivitet?
Hetta kunnu vera tekin um natúrligar hormonellar broytingar.
Um tú tíðliga skilur natúrligu broytingarnar, sum spakuliga byrja mitt í 30′, kann tú betur stuðla kroppinum og síggja stóra virðið í broytingunum, soleiðis, at tú ikki allgoyst og fullkomuliga ófyrireika renir teg í skiftisárini, har menstratiónin ikki kemur meira, tá tú er uml. 49 – 52 ár.
Skeiðið er skipa við blíðum rørslum, andavenjingum, framløgu, reflektión, stillum kropsstøðum og djúpari hvíld, sum eru stuðlandi í skiftistíðini. Dentur verður lagdur á at fata vitan gjøgnum kroppin, og at tíð er til at venda uppmerksemið inneftir og at merkja seg sjálvan.
Skeiðið er til tín, sum er “forvitin”, til tín, sum merkir smærri broytingar og til tín sum merkir størru broytingar. Til tín, sum hevur bløðingar og tíl tín, sum ikki hevur bløðingar longur.